大肥豬話雖然假期對我嚟講係冇意思，因為我日日都係假期。不過既然嚟到假期最後一日，之後幾日佢就要返工，得我同小小豬係屋企，所以就話帶我地出去行吓。天氣唔好又可以去邊呀？所以最後都係選擇左去MEGA BOX啦！
其實我知大肥豬一心係打算帶小小豬去宜家嗰個兒童波波池俾佢玩，不過奈何真係勁多人，次次去都一定要排成個幾鐘，今日天氣唔好仲多人，我地起碼要排成三個鐘先到小小豬，咁耐當然放棄依個念頭，所以最後就趁我地行宜家時，行到兒童部時，就俾小小豬玩一陣玩具啦~
唔係講笑，依個少少嘅地方都有好多小朋友一齊玩。不過小小豬都好乖，冇同人搶玩具，就算佢想玩嗰樣玩具，都係附近等，一見玩開嘅小朋友走左，先即刻行埋去，都算佢係乖仔啦！
行完MEGA BOX之後，見時間尚早，所以就係屋企附近個商場行吓，就係咁...我又嚟敗家啦！
行過童裝店見到，完全唔洗考慮，有小小豬嘅至愛又係母子裝，當然即買啦，下次入迪迪尼有新衫著啦(最衰就冇大肥豬SIZE，如果有就正啦)~
終於俾我買到個斜咩款銀包，有時拖住小小豬落街買餸唔洗咩住個大背包啦。依個銀包可以連電話都可以放埋入去，真係好方便~
**我的微博..關注吧**
沒有留言:
發佈留言