早幾日小豬媽睇完MAY姐有請之後,依MAY姐個食譜整左個電飯煲焗雞,佢話小豬爸同LULU妹食完之後都讚口不絕,所以攪到我都勁想食呀!
今日趁細路同嘉汶表妹都返嚟食飯,所以我又跟小豬媽一齊整左隻電飯煲焗雞。
首先洗淨隻雞,瀝乾,然後先在雞身塗上調味~
幫隻雞雞按摩吓先~
醃大約三小時(時間長啲就入味啲)~
將蔥及乾蔥平放於電飯煲底~
將雞放面~
最後淋上約兩飯碗嘅紹興酒~
以電飯煲煮20-25分鐘就得啦~
電飯煲內嘅汁唔好倒,食之前煮熱少少,之後淋上雞上面就仲好味呀~
待涼後斬件就可以食啦~
哈哈哈...講真我真係好驚雞雞,所以斬件同洗內時我都唔敢做,要交俾小豬媽代勞呀!
原來都真係勁簡單,其實如果唔整全隻雞,我想用依個做法嚟整雞脾或雞翼,都一樣得,真係唔叻煮餸都可以整到呀!
**我的微博..關注吧**
沒有留言:
發佈留言