今日大肥豬放工返嚟，帶左一大盒返嚟，，雖然小小豬係剛剛瞓覺午覺仲有少少扭扭計，不過一見到個盒就即刻精神晒，仲幫手拆添~
對個說明書好有興趣咁，好認真地睇呀~
嘩...原來係單車呀！小小豬一見到就即刻要坐上去，仲CHOK住嚟踩~
哈哈哈....其實依部單車係之前HUGGIE推廣，要買滿$599加$199錢換。不過...因為小小豬平日都只係返學先用依個牌子嘅學習褲，所以如果一次買咁多都真係幾多。所以我就周圍問吓有冇朋友有單據轉贈，咁我可以買少啲嘛！
最後，多謝嘉汶表妹同事，仲宥BB會討論區嘅媽媽贊助，所以我就只係用左$199就換到啦！開頭都以為咁平個質量唔會太好，點知睇返原來同反斗城有公仔牌子嘅係一樣，真係勁抵呀...呵呵呵~
依家將之前買嘅叮噹車放係小豬媽屋企，咁小小豬就隨時都可以玩車玩啦！
**我的微博..關注吧**
沒有留言:
發佈留言