曾幾何時我都有係淘寶網買衫俾自己同小小豬，不過成日落到嚟之後都發覺啲質量好差之餘，仲成日都唔啱SIZE，一係就個啲賣家發錯貨，攪到收到件衫都著唔到，覺得好似咁衰過係香港買。再加上依家啲匯率勁高，有時加埋運費分分鐘同係香港買差唔多，所以我都冇淘寶好耐啦！
戒淘寶咁耐，終於又再淘過啦！
事緣我上次著左套鴨仔親子裝之後，有位朋友仔知道我鐘意依隻鴨仔之後，佢就話正準備淘一轉依個牌子衫俾佢個小朋友，仲話佢係依間買開，質量完全冇問題。
開頭我都心大心細，始終之前經驗令我有少少擔心。不過最後係朋友極力推介之下，搭單淘左四件鴨仔衫同一條褲仔俾小小豬啦~
唔係講少，啲衫真係好靚呀~
除左靚之外，估唔到質量真係同香港買完全冇分別，但就比香港好多呀！
當然........我估都係A貨多，真係不得不讚賞內地嘅生產，真係A得勁似。
不過著一季唔緊要啦，最緊要係著得型仔嘛！
**我的微博..關注吧**
沒有留言:
發佈留言