波波池

20 APRIL 2013(SAT)

今日大肥豬帶左我地九龍城行街，行到入商場時見到冒險樂園入面有個波波池，見唔算太多人，又做緊特優惠，所以就俾小小豬入去玩一轉啦！

話時話，小小豬咁大個仔都係第一次去波波池玩，開頭都仲好擔心佢會好驚唔敢入去玩，點知佢入面都玩得不知幾開心，仲周圍走呀~

雖然都只係短短二十分鐘，不過小小豬都真係玩到好開心。不過都算佢好乖仔，夠鐘就好乖乖咁跟我走，完全冇扭計呀！

玩完波波池，就去玩保齡球~

又玩火車~

最後去拎棉花糖食呀~

不過，個為食豬竟然唔鐘意食哦~

玩左咁多樣嘢，都係$40，真係好抵玩呀~

開開心心咁就過左一個下午，見小小豬玩波波池玩得咁開心，雖然依度就細細地，不過就唔算多人(我地玩嘅時候加埋都只係有五個小朋友)，所以如果有時間，都會帶小小豬嚟玩多啲呀！

**我的微博..關注吧**