等待

5 APRIL 2013(FRI)

瞓醒，又係小小豬攪事嘅一天開始！

今日又嚟玩RODY~


原本都係原地跳，不過依個百厭小小豬又有新攪作，跳住嚟行，由廳頭跳到廳尾，來回幾轉，真係唔知佢啲精力係邊度嚟呀！

興奮地跳到墮馬，仲識得擺個型POSE，真係冇佢收呀~

今日個標題係叫-等待，即係等待咩呢？大家睇睇以下片段就知道啦~

事緣我同小小豬講我要入廚房煮佢嘅午餐，叫佢自己一個係廳度玩玩具(大家放心，次次小小豬都係好乖咁坐係度自己玩，間唔中都會拎埋啲玩具坐係廚房門口陪我)。

點知小小豬一聽到我話我要入廚房，佢就自動自覺走埋去窗邊，企定定咁係度等，邊等邊叫DADDY。

由我入廚房開始，到我做好晒嘢，個傻豬都仍然企係度，我出盡辨法又不停解釋都唔肯走，最後要用"魚仔餅"先利誘到佢離開依個位置，真係俾佢激C呀！

小小豬有咁嘅行為係可能之前曾經幾次係我入廚房煮晚餐時，剛好大肥豬就放工返到嚟係樓梯同佢SAY HI。所以當我同佢講時，佢就誤會左以為依個時間又係大肥豬放工啦！

小小豬咁掛住DADDY，相信大肥豬睇完就實冧C啦！





**我的微博..關注吧**