悠長假期結束

話咁快我個悠長假期就結束啦，聽日就要回歸現實(包括我D指甲油，冇得塗啦！)，要一早起身返工啦~真係有D唔習慣呀！

真係好唔捨得呀~~~好唔捨得晚晚可以睇埋妙手仁心先訓，朝朝可以訓到好晏先起身，鐘意幾時去行街街都得。依D開心生活又真係幾好呀~~哈哈！

唔知幾時再可以有悠長假期呢？結婚都係晒最多請三日假左右，我諗最快都要等出年暑假啦~~

唉....

聽日一返到工就要同老細請假(9月3日去交結婚通知書呀)。今日叫糖糖幫我留意老細心情，好在都幾好，希望明天請假可以順順利利~~