整好簽名筆

今日去左跟車車學整簽名筆，原本我都冇乜信心整呀，因為我D手作仔又真係~~~~好差呀！

好在係車車教導吓，我終於都成功整到啦！睇吓我整得幾靚~~

當完成第一支嘅時間，真係好開心同好有滿足感呀！因為真係冇諗過自己可以整到，成日都覺得係好難整，要用好多心機呀~

不過整整吓...又覺得幾OK哦，只係要整實支花花上筆頭上面有少少困難，好怕貼唔實。好在最後都順行過關，整得好靚靚。仲要冇激親車車~~哈哈！(因為要教我依個蠢豬！)

拎到返屋企仲俾小豬爸同小豬媽讚靚呀~真係開心死啦！

除左我之外，都仲有好幾位BLOG友仔一齊去學，成班女仔一齊整又真係好玩呀~~可以有講有笑，仲大家互相幫手睇吓點襯好，真係好開心呀！

車車除左教我地整野之外，仲送左一份小禮物俾我呀~~真係超開心呀！

就係依個心心串啦！真係好靚呀！

睇吓，每個心心都同囍字串埋，真係好特別呀~~
 

車車話留番俾我大日子嗰日，接新娘玩遊戲時掛係門口用。真係好有心思呀~~因為我真係仲諗過依個問題，完全唔知係要用依樣野呀！所以真係好感動呀！