我都收到電話

之前睇wedding more，見佢地有現代經典攝影套餐抽獎哦，咁就貪得意寄信去抽吓囉！因為佢地個南瓜車景真係好靚呀，如果有得免費影就好啦！

佢地尋日已經有打電話俾小賢問資料時，知道佢可以再進入下一階段，都好鄧佢開心。

不過同時就諗我一定冇，我連第一階段都抽唔到啦！不過唔緊要啦~~因為一向我都完全冇抽獎運，大大小小嘅抽獎同遊戲，都一定冇我份，所以都唔期望太大啦！心諗都係用$1.40郵票抽個希望，抽唔到都冇乜損失呀！

點知今朝俾一個電話嘈醒左，佢話係wedding more嘅職員，問左我幾個問題同婚期之後，又話會將D資料pass去另一個部門，如果抽到就會再有專人打俾我。

哈哈....今日真係幾一起身就有好消息，雖然未真係抽到，但都已經好開心啦！

抽到個機會我都知好微，依家起碼知道我可以入到第二階段呀！証明我開始有番少少運啦！希望嚟緊可以越嚟越好運啦！

抽唔抽到都依輯結婚相唔係最重要，(當然抽到一定好開心啦！最好同小賢一齊抽到，可以約埋一齊去影靚靚相。)

我最想就係抽嘅，就係最想要嘅一個揀樓機會，希望可以有一個好號碼，可以揀都合心水嘅靚樓啦。