三個待嫁姑娘嘅約會

尋晚我又再約左BLOG朋友仔去食飯啦！今次除左有小賢之外，仲多左一位新成員....就係小M啦！

我同小M都幾有緣，我地仲緣慳一面呀！話說係今年年初三，我地一家人入左流浮山行吓，當我同大肥豬影緊相嘅時間，我聽到有人叫『小肥豬』。不過因為我嗰日係去街街途中，副隱影眼鏡爛左，所以見唔到佢冇同佢相應。後來係BLOG先知原來叫我嗰個就係小M。

我地尋晚三個女仔去左銅鑼灣間翡翠食上海野！可能我地三個都係差唔多結婚啦，所以真係有好多話題...大家會講吓自己攪婚禮嘅野，真係傾到唔知時候呀！

成過過程都好開心呀~~不過就有一樣唔係太開心嘅事！當我地差唔多食完時，當然係繼續傾計嘅時候，D侍應就成日都行嚟問我地枱面D野食仲要唔要？仲要唔要叫甜品呀？俾我個感覺就好似想吹我地走咁，真係唔太鐘意佢地依種態度呀！

今次係第一次真真正正見小M，雖然係第一次見面，但一D都唔陌生呀！我覺得佢好斯文，有少少似中環返工嘅OL。仲有呀，小M日文好勁呀~佢幫小賢翻譯左一篇日文信，好叻叻呀！

小M仲話係第一次見面，所以送左兩份禮物俾我地呀！就係........

真係要同小M講句：多謝你呀~~我真係好鐘意呀！真係有少少唔好意思添，支指甲油會等我留長少少指甲係生日嗰日塗呀！真係好開心可以識到你依位新朋友，我地一定會繼續聯絡呀！

當然...今次一定唔會忘記影相啦！我次次同小賢去街街都冇影相，所以今次係一開始小M就提我地要影相呀~哈哈！我地傾到係臨走先影相呀！

小賢與小肥豬~~

小M與小肥豬~~

最衰就係我地三個影唔到大合照，下次一定要再影呀~~~~

尋晚真係好開心呀~~希望快D再有敘會就好啦！