中左都唔知

我地一向都有買六合彩嘅習慣，因為希望有朝一日可以大到獎嘛！為免唔記得左買，所以我地都習慣一次過買三十期。我嗰條號碼就係我結婚日子嚟呀~~

今日放工大肥豬話我知我地D六合彩已經到期，所以大肥豬路過就幫我買新三十期啦！

頭先路過馬會，見冇乜人，咁就貪得意入去CHECK吓張飛啦，到期望唔大啦！因為剛剛過左嗰三十期我都有對過吓，唔覺得有中過！

點知當我俾左張飛個職員入機CHECK時，嗰個職員姊姊就俾左$40我。

原來我都中左2次3個字呀！

真係...中左獎都唔知呀！好在我貪得意去吓CHECK，如果唔係都MISS左啦~~

我將依$40換左2張電腦飛，希望好幸可以繼續KEEP住啦！