見到鄭嘉穎

其實尋日都仲有一件開心事發生左呀~~

當大肥豬仲未嚟到送蛋糕時，佢就SEND左一個SMS俾我，入面係一張鄭嘉穎嘅相呀~~

我覺得好奇怪，咁就即刻打俾佢問吓啦！原來嘉穎係佢屋企附近拍劇呀！

佢話當行去搭車時，見到嘉穎自己一個係度睇緊劇本，佢見四周都冇人，就行左去同嘉穎影左依張相，仲傾左兩句同握手呀！大肥豬話因為四周冇人，所以唔可以合照，唯有幫佢影一張相俾我啦！

好羨慕呀！我都真係未見過明星，握手仲更加未試過啦！

不過真係要讚吓大肥豬呀，因為佢竟然會走埋去同嘉穎講野，仲要影埋相....怕羞嘅佢平時都唔會做依樣野，可能見我係生日，想俾一個驚喜我啦！因為佢都知我係鐘意嘉穎呀！如果係其他明星，我估佢都唔會行過去呀！所以都真係好開心呀！

如果我當時在場就好啦~~咁我就可以同嘉穎合照啦！不過依家有一張獨家照，都好滿足啦~