作病中

今日一返工就去左幫老師做會議記錄，開頭都好地地，只係個人完全唔知做緊乜係度遊雲，可能未訓醒啦！成個會都唔知自己寫左D乜，唉....最衰個會又開得好耐，都唔知算，有排作番篇記錄啦！

不過我一路寫野，就唔知點解越嚟越覺得唔舒服，感覺由心凍出嚟，仲起晒雞皮呀！我估係把風扇係正我頭上面吹，仲要個風都幾大呀~~可能就係咁吹病左啦！

唉~~所以成個下午都唔係好舒服，D鼻水不停咁流.....真係好慘！

放工返屋企就跳左上床訓，訓到食飯先起身，依家都呆吓呆吓。

今晚真係要食粒感冒藥早D訓先得啦！