學人玩指甲

前幾日行過SASA，見到佢地有隻新出嘅日本3D指甲貼紙，我就去睇吓啦！點知....唔行由至可，一行到去就大出血啦！因為D貼紙實在太靚啦，有花花，又有石仔，仲有好多唔同顏色，我都忍唔住買左幾多呀！

原本打算係生日前用小M送俾我支指甲油加埋我揀左最靚嘅貼紙整，不過尋晚諗諗吓...都係之前試吓整一次先，等唔好到時失敗左整唔靚嚟過生日嘛！

所以尋晚一食完飯就開始塗..塗...塗啦~~~經過差唔多兩個幾鐘頭嘅努力，同LULU妹嘅協助，終於都大功告成啦~~~

整得靚唔靚呀？原來依D貼紙都好實(日本野即係日本野)，一落到指甲就唔可以除番落嚟呀，所以真係要好小心。整左手時都OK，不過一到貼右手時，真係貼得好唔就手，所以要LULU妹幫手整呀！就係咁...LULU妹話好靚，仲話要係我結婚嗰日整依D貼紙呀~~真係...LULU妹開始要扮靚啦！

小肥豬係唔習慣留指甲，因為成日覺得打字唔方便，同埋指甲一長少少，就好容易斷甲，所以一向D指甲唔係太長，攪到塗左都好似唔係太靚。不過今次都係試驗，等過多兩個星期，D指甲長多少少，就可以好靚靚啦！