雙方家長見面

今日終於都到左雙方家長見面嘅日子啦！

講真...當初都真係好擔心，因為唔知四大長老會講D乜，成個飯局唔知會唔會好有『火』花呢？雖然佢地大家平日都冇乜野，對我地都唔會有太大要求，但始終都係一個尷尬場面，所以都真係幾驚恐呀！

好在...今日總算順利過程，基本上都冇乜點解我地結婚嘅野，我地最怕講嘅三大敏感話題都冇講到，大家都只係大家傾吓日常嘅小話題。

可能大肥豬阿哥同家姐都帶埋佢地嘅小朋友一齊去飲荼，所以好多焦點都去左佢地度，講吓D小朋友咁時間又真係好快過左啦！

雖然成個茶局都好似氣氛都平平淡淡，但平淡唔係仲好嗎？終於都放左心頭大石啦！