又玩指甲花

繼上次整左個十字石仔花之後，玩指甲癮又嚟啦！

今日行街路過SKIN FOOD，見到有D靚靚指甲油買，所以就同小豬媽入去八吓啦！我地揀左好耐，就買左幾支特別顏色指甲油啦！

一食完飯就開始塗..塗...塗，整左半個鐘，今次加埋小豬媽嘅幫手，終於又玩左啦！

今次用左金黃色指甲油，襯粉紅色花仔，又幾好睇哦！

雖然金黃色好似激左少少，不過見放假....玩吓都冇所謂啦，返工就唔得啦！

唔知點解，覺得塗指甲真係會上癮呀~~依家真係好鐘意玩指甲呀~~我已經諗緊下次用乜顏色貼乜花花啦！

玩指甲其中一個原因就係放假可以玩吓啦！另外因為知道自己塗左指甲油，就一定唔會去剪指甲，咁就可以留長D啦！

依家諗諗吓，真係可以考慮結婚唔去整水晶甲，自己塗好D，再貼少少靚靚花仔就得啦，自己都唔係真係整得太差呀~

同埋聽人講整水晶甲同除甲都會好痛，我自己又怕痛哦，所以真係可以諗諗自己塗或者出去修甲再畫甲呀！