第一次針灸

3 OCTOBER 2012(WED)

我自覺都真係幾冇用，做左FTM一個月多啲啲，就開始受傷啦！

半個月前開始感覺到右手手腕痛痛地，照計我都冇做過啲扭傷嘅活動，所以起初都不以為言，只係係好痛嘅時候食止痛藥。不過，過多一個星期，痛嘅密度又多左，所以小豬媽就就話可能係因為抱小小豬上上落落，所以整親，叫我快啲去睇醫生。(冇錯....依個百厭豬依排真係成日都扭抱，尤其返左學之後，情況就好似嚴重左。不過我估都可以因為佢仲未習慣返學，冇乜安全感，所以先會咁。希望佢慢慢可以減少啦！)

睇過西醫食左幾日藥都好似冇乜改善，所以最後大肥豬就建議我去睇吓中醫嘅骨科，做吓針灸同推拿，希望可以有改善。

就係咁，我今日就做左人生第一針啦~

講真，當個醫師叫我瞓上張病床時，我地真係驚驚地，始終都係未做過，都有啲驚嘛！不過醫師手勢真係非常之好，針依六針我都唔覺得痛，只係有少少麻痺感覺。

針左半個鐘之後，醫院又幫我做推拿，做完之後真係覺得好左好多，手腕嘅痛都好左好多。可能我傷勢都唔算嚴重，醫師都冇安排我覆診，希望之後都唔洗再嚟，手腕唔會再痛啦，因為手腕痛真係好辛苦呀！


**我的微博...快啲嚟關注我地啦**