新公園

1 OCTOBER 2012(MON)

尋日成日都冇乜點放過電，見今日小小豬都比較精神啲，所以都係時候要放放電。不過，小小豬始終都仲係唔舒服，所以唔敢去太遠。最後大肥豬帶左我地去屋企附近個新屋村(其實都唔係新，只不過我地之前冇行過)入面個公園仔玩啦！

個傻豬仔有得玩就開心啦~

我覺得依個公園嘅設設施比我地屋苑個設施好好多，又多元化啲，又有好多其他小朋友一齊玩，所以感覺上小小豬係玩得開心好多呀~

唔止小小豬開心，睇吓大肥豬笑得幾燦爛，所以我成日都話有小小豬係身邊嘅大肥豬就係最開心呀~

雖然話小小豬有返精神，不過始終都仲係唔舒服，加上又開始有風，所以我地玩左半個鐘左右就走啦！其實依個公園唔止依個兒童遊樂園地，另一邊都有一個，所以有時間都會再帶小小豬嚟玩過，等佢又可以同多啲朋友仔一齊玩啦！

題外話：大家有冇發覺小小豬有乜唔同左呢？唉...咪就係個鼻仔損左囉！因為前幾日返屋企途中，有個百厭豬行路走得快，扑親整到，真係俾佢激C呀！不過，我覺得小朋友係要扑吓整損吓咁先成長，只要唔傷大雅，我都覺得OK可以接受，當俾佢一個小教訓，等佢下次唔好走咁快。不過....相信依個小小豬仲未得到教訓，因為依然係鐘意走！


**我的微博...快啲嚟關注我地啦**