落晒型

9 OCTOBER 2012(TUE)

小小豬尋日食左一日藥，肚痌嘅情況都已經改善左好多。唔知係唔係啲藥嘅威力好利害，所以小小豬食完藥之後都冇嚟神氣，今朝早食完藥同奶奶之後，完全提唔起勁去玩，只係識瞓左係張梳化度，見到佢個樣都真係好肉赤呀~

基本上隻豬仔依幾日都完全冇胃口，食少少白麵包，食幾啖白粥就唔肯食，今日都叫做好啲啲，放塊麵包係佢張枱仔，都叫做肯自己拎嚟食(不過....都只係限半塊，平日隻為食豬閒閒地都食食一塊面呀)~

依幾日都係食白粥，可能啲粥冇味道，加上小小豬個肚仔又唔舒服，所以都唔肯食。前幾日為左想佢食多少少，我都真係放上對佢嘅規矩，唔洗佢坐定定，俾佢邊玩邊等我餵食。我都知咁係唔啱，不過想佢食多啲都冇辦法啦！

不過，今日小小豬好乖仔，食粥粥時係坐定定自己食呀~

當然，食量真係少左好多，比平時真係少左三分一呀！

唉.....咁樣病一病，冇胃口唔食嘢，加上又落晒型，見到佢咁真係心都痛埋，真係寧願病嗰個係我，唔好要小小豬咁辛苦呀！


**我的微博...快啲嚟關注我地啦**