追月夜

1 OCTOBER 2012(MON)

尋日中秋節都只係落樓下公園仔行一個圈，十五分鐘都冇就返左屋企俾小小豬繼續休息。

今日小小豬精神都好好，見佢尋日見到啲哥哥姐姐玩螢光棒時都表現的好似好想玩咁，所以趁今日依個追月夜，我地落公園玩吓螢光棒啦！

大肥豬先嚟整左個螢光波波俾小小豬玩，個傻豬仔真係玩得好開心，仲哈哈哈大笑出嚟添呀~

跑左一陣波波，大肥豬就整左啲圈圈俾佢玩，個傻豬都一樣玩得好開心呀~

最後我地玩左一個鐘之後，小小豬就坐返佢部戰車返屋企啦~

唔好以為返到屋企佢會停，大肥豬無端端教小小豬整啲圈圈落腳度繼續玩呀~

就連瞓覺都唔肯除，真係冇佢收呀~

見個傻豬仔玩啲螢光圈圈咁開心，等佢好返晒之後，搵晚再帶佢落去玩過先得！


**我的微博...快啲嚟關注我地啦**