吳大師嚟啦

2 OCTOBER 2012(TUE)

四日假期話咁快，最後一日假期，就同小小豬做變身嚟個吳大師啦！

雖然都玩過好幾次，不過個傻豬仔初初見到啲油彩好似好緊張咁哦~

開始進入狀態，先嚟手指畫先~

之後我地就教小小豬蓋手印，教左一次就識得自己整啦~

依個就係小小豬嘅兩歲手印仔啦~

吳大師繼續油油油，好專心仲好似模似樣，成個畢加索呀...哈哈哈~

玩多啲油彩都幾好，除左可以小小豬培養吓佢，睇吓佢有冇藝術天份，不過我覺得只有四隻顏色好似少左啲，變化好似唔多，所以如果有機會都一定買多幾種顏色，等小小豬繼續玩得。

另外亦都可以訓練佢個專注力。因為小小豬油彩嘅時候，真係好乖乖坐定定，即刻變身成為一個好寶寶呀！


**我的微博...快啲嚟關注我地啦**