踢波波

2 OCTOBER 2012(TUE)

尋日我地行去個新公園玩嘅時候，見到對面有一個球場，所以就話搵日帶小小豬嚟踢波玩吓。

見今日都冇特別地方去，所以就同小小豬換左件戰衣，去跑跑踢踢去放電~

個傻豬仔真係好似模似樣，成個足球員咁呀~

同場另一邊有班哥哥係度踢波，個傻豬又走埋去，好似想踢埋一份咁呀~

當然....即刻捉走佢啦，都係同大肥豬玩返自己個波好啲~

睇吓個傻豬仔俾DADDY入左一球，個樣幾唔開心~

小小豬話：點解我射唔入呀~

玩左一陣，見小小豬都玩到濕晒，所以都即刻返屋企洗白白啦！

某程度上依個地方都幾好，所以都應該會多啲嚟玩，等小小豬除左有公園之外另一個放電地方。

不過......一定要等我買左個小足球先，唔知係唔係小小豬見到啲哥哥踢個足球同佢嗰個唔同，所以唔多肯踢自己嗰個，成日走去追哥哥嗰個，真係俾佢激C呀！


**我的微博...快啲嚟關注我地啦**