買到KARY飛啦

KARY都係一個我好鐘意嘅歌手，所以佢第一次公開售票演唱會我一定要支持支持啦！

原本東亞信用咭有得優先訂飛，不過我竟然MISS左，唉...真係失敗！所以就要等公開售票先可以買飛啦！

終於等到今日有飛買啦，所以一放工就飛去太古城通利買。可能我都算遲，成五點先去到，尾場平飛都係得番尾二行呀！

不過唔緊要啦，入去都係感受吓個氣氛同支持KARY嘛，所以都買左兩張飛同大肥豬拍拖去睇。

今次仲係第一次去STAR HALL睇SHOW，唔知個場好唔好呢？真係好想快D去睇呀！

原本都想帶埋LULU妹去睇呀，不過....我間新屋又未攪好，完SHOW後怕佢自己一個人返屋企有危險，所以今次冇得帶佢去睇，下次一定會再帶佢睇演唱會，希望LULU妹唔好嬲我啦！