大囍日子 - 回門

今日雖然都係放假，不過都好忙，因為要忙回門。不過忙埋今日都可以話唔會咁忙啦！因為已經完成晒所以結婚需要做嘅野嘛！

一早就要起身去返婚宴酒樓拎隻回門乳豬仔，之後就返小豬媽度進行簡單拜神儀式。拜完神又要拎埋豬頭豬尾趕返去奶奶度拜神.....拜完神又要去番小豬媽度等一家人食晚飯，所以話都真係幾趕，一日內我都穿梭香港同九龍幾次，都真係幾辛苦呀！

好在我唔係BD 嗰日回門，如果唔係都唔知點安排時間好啦！

由於時間真係太趕，唔記得左幫隻乳豬仔影番張靚相，唉....真係失敗啦！