大囍日子 - 上頭

食完晚飯之後，就返屋企執多少少野，就開始等上頭啦！

除左我地一家人之外，姑姐同嘉汶表妹都一齊參與我依個上頭儀式。

等到足夠就開始上頭啦 ！

依個咁重要嘅上頭儀式當然由小豬媽進行，當係準備嘅時候，一直都冇事，個心都好平靜。當小豬爸親手派利是俾我時，個心都開始有少少戚戚地感覺(因為真係第一次由小豬爸手上拎利是，之前新年都係由小豬媽負責呀！)之後又當梳到第三梳時，終於都忍唔住喊左出嚟呀！(真係醜怪)

心情平靜左一陣，就開始食湯圓。我就食拜過神嘅三碗湯圓，都有九粒咁多呀，好在小豬媽自家整嘅湯圓唔係好大粒，咁都好少少~~

睇吓我地食湯圓幾開心！

上頭完畢就可以開始佈置屋企啦！好在有細路同嘉汶表妹幫手，好快就完成左啦！

整好晒啦~~真係有好實在結婚嘅感覺啦！

聽日就係啦~~~好緊張呀！

我依家就要訓，希望可以訓得著啦！