婚後第一天返工

過左幾日假期去攪結婚事，今日終於都要返工啦！

今朝一起身真係有少少唔願起身，因為成個人都真係好倦...好倦，因為真係日日都好忙。最衰我地兩個假期又唔多，都想留番D假期等復活節去HONEY MOON，想請多幾日假都唔得，唯有搵日要訓番夠本先得啦！

今日番工真係有少少唔習慣，第一就係比我之前早左成個鐘起身，因為要由九龍過海返工....真係都幾慘呀！之後，就係要係地鐵站迫車過海，原來係油糖同鰂魚涌轉車真係好迫人，真係迫死人呀！好在...今日時間都較得幾好，唔洗遲到，不過聽日都係要再早多少少出門口先得，時間鬆D好D嘛！

諗番起之前，由起身至出門口，再搭車返到學校都係一個鐘左右，仲要搭車可十分方便，輕輕鬆鬆咁就可以搭到車。

唉....真係有少少唔習慣呀！不過可能都係第一日，過多幾日就會習慣啦！