拎左鎖匙

經過一輪銀行同律師樓嘅文件處理，終於都係今日完成晒所有野，可以拎我地新居鎖匙啦！

今日拎新居嘅鎖匙，身為女主人嘅小肥豬都應該出席依個咁重要時刻。原本都PLAN好左放工就即刻飛去會合大肥豬，一齊去感受做業主嘅一刻。不過諗就係咁諗，因為今日有某同事嘅不合作...吹極都唔交齊文件俾我，所以都攪到唔可以準時放工，仲要好遲先走得，真係激死我呀！好唔開心呀......真係好嬲呀！

就係因為依個原因，所以依個重要時刻就交左俾大肥豬一個人做啦！好在一切都好順利，簽左一輪文件就攪好，拎到鎖匙啦！

依家拎左鎖匙，咁就可以攪裝修、買傢俱、其他濕碎野...咁就可以入去住，咁就有我地嘅小天地啦！

真係希望所有野都可以..快...快....快啦！