終於都嚟到最後一日倒數啦！
今日可以算話好忙，首先同小豬媽同嘉汶表妹去左紫水晶拎埋D衫，再FIT多一次。好在冇肥冇瘦，唔洗佢地再改.....不過可能剛剛食飽野上去試，有少少緊緊地，睇嚟聽日真係唔可以食咁多野呀！(不過我相信都冇時間食得到野啦！)
之後就返屋企，一邊準備拜神野，另一邊又幫嘉汶表妹手準備整接新娘時用嘅野~
到吉時就開始拜神啦！因為怕明天會好忙，所以小豬媽就提早係今日拜神啦！
食完飯就返屋企等吉時上頭....真係好緊張呀！
聽日就係啦~~依家個心情真係好緊張，眼淺嘅我，真係好怕自己會忍唔住呀！
希望今晚可以訓得著啦！因為聽日真係會好忙，要好好抖足精神先得呀！
我們的婚網~~ http://www.darizi.com/hk/blog/yanyan_hinghing/
沒有留言:
發佈留言