終於拎左相啦

原本話大日後嘅十日內就可以拎到我地嘅靚相，不過一直都等..等...等.都仲未收到佢地電話叫我去拎相，終於都忍唔到尋日打電話去追。

俾我地追吓之下，終於都係今日拎左我地嘅相啦~~~哈哈哈，真係開心啦！

原來我地成日都影左約一千七百幾張相....唔知算唔算多呢？我地JOIN個PLAN係拎番晒D數碼FILE，自己拎去晒。諗起依度就真係有少少擔心...因為有排晒相同分相呀！不過..依D係開心事，冇計啦！

返到屋企就即刻放入電腦睇相啦....不過有少少唔開心就係其中一個晚宴FILE開唔到，睇唔到我晚宴嘅相呀.....有少少吊引，回味唔到晚宴個情況。

聽日又要去多次拎埋其他底片啦！

等我收齊晒之後，就可以UPLOAD上嚟俾大家睇啦！大家要等我呀！