又要人擔心

係差唔多放工嘅時候，收到契嫂打嚟，佢話依家帶緊我媽咪去睇醫生，因為佢隻腳又腫左，又有少少發燒，所以就捉左佢去睇醫生。

點解媽咪會整到腳.....就係佢係上星期五晚唔小心對腳撞到個梳化腳，即時聽到有『拍』一聲，同開始瘀左，幫佢塗左D藥膏啦！點知依幾日都係好痛，我地幾個都不停叫佢睇，不過媽咪又唔肯去睇醫生，因為佢今日有一個好重要嘅節目，成日都話過埋今日先去睇醫生....真係俾佢激死！

剛剛睇完醫生，照左X光，原來佢左腳尾二隻腳趾裂左，可能係咁就影響都有少少發燒呀~~真係嚇死我呀！原來係咁嚴重...

醫生叫佢要小心D，要多休息~~要等D骨慢慢埋口，不過都係要等約八個星期左右先好番呀~~

真係....擔心死我呀！