好運開始嚟

因為尋日要陪媽咪去睇醫生關係，所以就冇去學校飯局，不過知道有抽獎活動，所以就托同事幫我抽啦！

真係好開心呀~~竟然抽到$500，真係未試過抽到咁多錢呀！

我記得次次有抽獎活動，我都係黑仔王，抽親都係最底面值。但今次冇去就可以抽到最高面額，真係開心到飛起呀~~仲俾媽咪笑叫我唔好再去飯局，一唔去就有好野抽到呀！

有種感覺就係~~~我D運開始嚟啦！(當然我又要十分十分感謝我同事幫我抽到啦！)

希望真係開始可以脫離黑仔王嘅日子，多D好運嚟找我啦！不過最好就係去多D大肥豬度，等佢可以快D如願意賞~~