今朝起身，個頭真係暈到天璇地轉咁。原以為坐定定個人，等一陣可以冇事繼續返工。點知，最後都係頂唔順，爬番上床度..打電話番學校請假。
訓到差唔多十一點幾，媽咪就番嚟陪我去睇醫生，因為佢怕我暈左係街都唔知呀！都唔知係唔係天氣唔好，真係好多人睇醫生，我都等左成個鐘先可以見到醫生呀！
醫生話我有感冒低，加上血壓又低，所以導致會好容易暈，仲叫我食番多D野，令血壓升番呀！
其實我都冇特別減食呀~~每晚都唔食飯，只係食餸。都唔明白點解會咁！不過媽咪已經下左命令叫我餐餐都要食番少少飯，有番D糖份就冇咁暈哦~~
經過我訓左成個下午，又食左兩次藥，依家都好番好多啦~~起碼冇再暈，不過食藥食到個人痴痴傻傻咁！
PS：今日我冇返工，又要糖糖同ZOE幫我頂埋我D工作，真係麻煩晒佢地啦！
真係要同佢地講句：唔該晒你地呀！
沒有留言:
發佈留言