救命~~好凍呀

頭先洗白白途中發覺個熱水爐壞左，我唯有用凍水繼續洗埋個白白啦！因為冇理由成身都係泡泡去出嚟嘛！

嘩~~真係好辛苦呀！D水真係好鬼凍，著埋衫之後，成個身都係震晒，要跳上張床度蓋被一陣，先叫好少少，等我仲冇得睇晒學警呀！真係慘呀~~

原來個熱水爐係下午都已經開始壞壞地，爸爸仲話佢都係用凍水，真係俾佢激死，又唔話我知壞左，等我仲一開就開大個花灑對住自己。

死啦~~個維修職員要下星期先嚟CHECK呀~~仲有咁多日，都唔知點算啦！

不過依幾日唯有衰D，用煲熱嘅水彬身，我誋咁會好，起碼唔會咁凍呀！不過唔知媽咪會唔會罵呢？

我都已經病病地，加埋今日係冇心理準備吓沖左個凍水涼.....我都唔知會唔會仲病，今晚一定要食定粒感冒藥，早d訓，希望冇事啦！

 

06/7/07更新：

經過媽咪打電話去煤氣公司再問，維修職員剛剛已經整番好個熱水爐啦！

今晚可以有熱水用啦！