整好餅咭套啦

今日放假都唔係好想去街街，因為太多人啦，所以我地就留係屋企睇吓電視休息吓就算啦！

當我睇緊電視嘅時候，大肥豬就突然建議話拎D餅咭印埋D『囍』，仲話幫我印呀！我聽到時都有少少出奇又開心呀，因為我買嗰時佢都唔係太讚成，仲話我太多攪作，叫我自己印呀！

既然主動話幫我印，我當然就即刻拎晒我地D餅咭信封俾佢整啦！(我當要個心好甜啦~~原來佢都有記掛我地D野，真係好開心呀！)

首先我地就依上次個位置印晒D唐餅咭先，之後就諗位印落去個西餅咭度啦~~

諗左好耐，都係覺得印係個信封面係最好呀~

之後我地就開工啦~~大肥豬印完之後，就由我入餅咭，大家分工合作嘛！

經過我地一個多鐘嘅努力，所有餅咭都印好晒同好左啦！

哈哈~~真係開心~~~又完成多一樣野啦！唔洗到時迫埋一次過做呀！

不過今次真係要俾個叻叻大肥豬呀，因為印依D真係要好用力，真係幾辛苦呀！佢印完晒之後，見到佢隻手都有少少紅左呀~~真係好感動呀！