樂樂 遙遙

27 JUNE 2013(THU)

繼上一年六月大肥豬俾左個驚喜，以我名義加入宣明會助養活動，今日又俾多一個小驚喜我，就係又以我名義助養，參加左聖基道兒童院嘅助養活動。

事前大肥豬都係一樣冇同我講佢又計劃助養，到今日收到一個郵包，我先知道呀~

送上『樂樂』、『遙遙』作為紀念品，就係因為咁，小小豬又多兩個朋友仔陪佢玩啦~

依家我地除左助養宣明會海外嘅小朋友之外，亦都會助養一個香港小朋友。其實有時會諗相比需要起助養小朋友，有父母係身邊嘅小朋友真係特別幸福，可以係一個優質嘅環境下成長。所以如果可以出少少力(其實都係可能每個月外出食一餐豐富嘅晚餐價值)，讓佢地可以改善生活環境，都真係要大力支持呀！

雖然聖基道兒童院唔係固定助養一個小朋友，所以都唔知我所助養嘅小朋友係點樣。不過只要幫助到小朋友們可以係一個健康的環境成長，咁已經就係最足夠啦！