近期小小豬都好鐘意玩貼紙，之前都主要貼係佢部戰車上面(因為次次都係入迪迪尼拎完貼紙就即刻貼)。依排唔貼車仔有少少改變，可能係平日老師獎勵佢地嘅時候都會將貼紙仔貼係手仔度，所以間唔中放學都會見佢手仔上有貼紙。
不過今日一早小小豬又新攪作，將習作簿嘅兩張花花大貼紙自己貼上面，加埋佢依個招牌攪笑笑容，真係可愛到呢.....成個開心小天使咁，一朝早就見到佢咁可愛樣，真係全日都開心呀~
小天使過後，依個百厭仔好快就已經變左做一隻百厭魔鬼~
唉...由小小豬細個開始，我地一直都唔俾佢爬依條梯，估唔到唔俾佢爬，佢識得咁玩，爬嘅時候仲同我地講捐山窿。窿都不止，仲再HOLD住個POSE一陣先成個人落床，真係百厭都呢...............我地都冇人教過佢，都唔知係邊度學返嚟，真係俾佢嘅動作嚇親呀！
玩左兩次之後(拍片依次係第二次)，我都已經同小小豬講左一輪道理，唔准佢再玩，因為佢真係實在太危險啦！
不過.....話時話，小朋友真係識得自己發掘啲危險事嚟做，尤其我依隻百厭豬，所以真係要金睛火眼睇住佢先得啦！
沒有留言:
發佈留言