安心晒

1 JUNE 2013(SAT)

話說早係三月初，收到一個勁開心嘅消息之後，我就去交留位費，小小豬KI有新學校讀啦！

一向冇事搵事嚟煩嘅我都真係都仍然未放心，雖然已經去交左留位費，都應該一定唔會有問題。不過，可能係我始終都真係唔敢相信依間龍校會收小小豬，所以我成日都好擔心中途會唔會有變卦，老師會唔會打嚟同我講佢佢地出錯。所以自我地冇幫小小豬原校交K1學費時，我個擔心就仲驚，好驚會攪到小小豬冇書讀呀！

不過，依個擔心直至上星期就已經冇左，因為我收到K1新學校寄嚟嘅信，叫我地去家長會啦！

就係咁，我就同大肥豬今朝早拍拖去參加小小豬學校嘅新生家長會~

我地先去禮堂聽講座，了解學校日常教學活動安排~

之後就參觀校舍，然後就去課室辦理入學手續啦！

當老師收左小小豬張學卷同上學期什費時，我個心先係真係完全安心晒，因為小小豬真係有學校收啦！

我以為只有中學先係要自己出去書局買書，原本依間幼稚園都係要家長自己去買呀！不過咁都好，可以等我地暑假時先同小小豬預習一吓課本，等佢正式開學時都可以適應得好啲呀~

估唔到新學校買嘅第一樣嘢就係書包，不過咁早買，真係有少少擔心未開學已經整污衊啦~

最後就訂埋校服，不過估唔到依間校服商又唔係貴呀~

有關新學校嘅安排初步都已經完成，所以話都真係安心晒。雖然係安心，不過又另我開始擔心另一樣，就係學校係以國語上堂，唔知小小豬要幾耐先可以適應呢？唔好話小小豬，就連我都要重新適應，因為今日一踏入學校就已經係聽到老師同你用國語交談，我嘅國語都真係有限公司，所以都怕唔識同老師溝通呀！(不過我估同我地傾計，老師都會用返廣東話。)

唉...真係要努力學返好我啲國語先得啦！

**如果大家憑一啲蛛絲馬跡睇得出係邊間嘅時候，都請大家幫幫手唔好講出嚟，好讓小小豬有一個愉快同安全嘅校園生活呀！**