一家歡樂迪迪尼

2 JUNE 2013(SUN)

今日我地又入迪迪尼啦，同之前去嘅唔同，因為我地用左VIP優惠，免費帶左小豬爸同小豬媽入場，另外嘉汶表妹同LULU妹就自己買左入場卷，所以今次我地係一行七人入去玩啦！

今次另一樣唔同嘅就係....小豬爸渣車入去，真係方便同舒服好多呀~

係我地攪緊入場安排時，睇吓小豬爸....幾錫個小小豬，幫佢撥涼呀~

今日真係完全唔算多人，玩所有GAME同公仔影相都真係唔洗排隊，仲要非常流暢，一啲都唔似係星期日呀！

人園第一個GAME就係去玩飛碟啦~

之後就去小小世界~

入園咁多次，今次可以話係小小豬第二次玩，上次玩都好似唔太ENJOY，小小豬都好似好驚驚咁，不過今次唔同左，眼定定周圍望啦~

SO SWEET~

天氣實在太熱，所以要食雪糕降降溫呀~

就係依個時候，我地撞到小小豬同班坐隔離嘅同學仔，真係有緣份啦！佢地仲玩左一陣添，不過唔太方便放佢地相上嚟呀！

下一個節目就係去影公仔啦~

我成日都話小小豬係一隻擦鞋豬，睇吓佢同小豬爸小豬媽影嘅相幾開心。影嘅時候佢係無端端笑上嚟，真係好靚呀！不過就激C我呢，次次同我影公仔都冇笑得咁燦爛呀~

入園必做一件事，睇巡遊啦~

之後我地就去玩咖啡杯~

玩完之後就向TOYSTORY LAND出發。自試玩日玩過個U型車之後，我都唔敢再玩，不過今次有嘉汶表妹陪，所以又可以玩返轉啦！哈哈哈...見唔見到我呀，不過依然係覺得好驚，不過又真係好刺激好好玩呀~

繼續向前行，向迷離莊園出發~

不過，因為睇左啲介紹，知道有部分係黑漆漆嘅環境，都擔心小小豬會驚，所以大肥豬就同小小豬係門口等我地啦~

去玩啦~

入面嘅音響同視覺效果做得好好，有幾個位置我都有少少驚，所以唔帶小小豬入去都係正確呀~

繼續向灰熊谷進發，一入到去就見到MICKEY，當然又去影影影啦~

我地就去玩過山車，四個人入去完全唔洗排隊，仲玩左兩轉添~

小豬爸同小豬媽就係旁邊小店休息，佢地仲買左薯條俾小小豬食添，睇吓依個為食小小豬，有得食佢就古靈精怪啦~

我地去玩巴士光年~

今次迪迪尼小小豬又有新嘗試，就係終於都肯去噴水位玩啦！上幾次都想佢去玩水，點知佢點都唔肯，今次因為我地要等嘉汶表妹同LULU妹玩SPACE MOUNTAIN，所以我地就係依度等佢地。開頭都係俾小小豬坐係BB車等佢睇吓其他小朋友玩，點知睇左一陣，佢就主動落車走埋去玩，玩得勁開心，仲成身濕晒添。好在有帶多幾套衫俾佢換，不過鞋就冇得著啦~

最後一個節目，就係去SHOP攪攪陣啦~

唔覺唔覺我地都玩都成七點幾先走，真係同小小豬入嚟咁多次最夜嘅一次呀！

今日真係玩得好開心，雖然都真係熱左啲啲，不過我地嘅熱情都唔弱，大家都好享受今日嘅家庭樂呀！