第一次做MODEL

4 MAY 2013(SAT)

今日真係可以話係人生第一次，就係去做MODEL啦！以往影嘅都係自己去影，都係收藏為主，不過今日依一個真係好唔同，因為係幫人拍攝，所以話真係第一次做MODEL呀！

之前都有過去STUDIO影相經驗，第一次就係十八歲生日，小豬媽帶我去影攝靚相，印象中當時我地係傻傻地聽攝影師話要點做，都唔識得驚！另外兩次就係去影結婚相，有大肥豬陪埋我一齊影，當然係唔驚啦！

其實早前得到糖糖推薦，Hong Kong Medi Anti-Aging Centre香港醫學抗衰老中心就邀請我試做一個共四次療程，等我體驗佢地最新出的MediLASE 755nm無痛激光脫毛。有得免費做四次脫毛療程同時亦會幫佢地拍攝一輯宣傳相，等日後推廣及新中心開時用呀！

雖然開初都係15/16唔知參唔參加好，不過最好睇過已經開始試做嘅朋友回響都係正面，加上糖糖又引誘之下，所以就參加左啦！就係因為依個原因，今日同糖糖一齊上左去STUDIO影相啦！

官方相就可能未必同到大家分享，先看看當天拍攝花絮先啦！

開始前，當然化個靚妝啦~

糖糖好快就化完妝，所以就先影相~

我都化好妝，同糖糖嚟過合照先，不過真係好唔多似我地自己呀~

係等影相時，PR姐姐嚟同我地傾計做問卷，為左唔想攪到個妝，唯有咁睇嘢啦~

開始啦....講真...真係好唔習慣，自己都覺得好生硬，好似唔多自然哦~

影左大約幾十張相之後，我嘅任務完成啦！影完真係成身鬆晒，因為真係好緊張呢！

係我地離開前，PR姐姐又送左啲禮物俾我地呀~

有一支佢地公司出嘅冬蟲夏草保健藥丸~

仲有張半價COUPON添~

真係好多謝PR姐姐今日嘅安排，等我地有得玩之餘，又可以扮靚，真係玩得開心！





**我的微博..關注吧**