蒜蓉拍青瓜

25 MAY 2013(SAT)

今日口痕痕，所以就整左個既簡單又方便嘅涼拌小食俾自己食，過下口癮啦~


哈哈...其實依個蒜蓉拍青瓜材料都係一樣咁簡單，基本上屋企都齊晒材料，我都只係買左青瓜返嚟就做得啦~


先將青瓜洗乾淨去頭尾，然後用刀將青瓜拍散切段，加入少少鹽，放入雪櫃嘅下格雪三十分鐘左右~


將醋、糖、魚露、麻油及蒜蓉攪拌好。份量都係因人已異，不過我覺得加多啲醋同蒜蓉就仲好味啲呀~


取出青瓜，倒水後再用紙抺乾水，之後放入去個調味料再拌勻~


再放入雪櫃雪凍啲啲，咁就食得啦~


簡簡單單又做到一個小食，就係咁又過左一個滿足嘅下午茶啦！