開心SHOPPING DAY

3 MARCH 2013(SUN)

平日星期一至五都係屋企煮飯，所以大肥豬就話今日唔洗我煮，帶我出去食。哈哈哈...真開心，又一個藉口俾我去行街街啦！

我地近近地就去左APM行街街同搵嘢食啦！為左唔洗多人等位，我地選擇早啲食，突然好想食意粉，所以就去左 Oliver Super Sandwiches~

個白汁三文魚意粉真係勁好味，攪到大肥豬都叫我學整俾佢食呀！

我冇講錯呀，好食程度真係就連剛剛係屋企食左兩碗飯嘅為食小小豬都食得津津有味呀~

除左意粉之外，小小豬今日仲試食新嘢，就係食美味串燒。小小豬都係第一次食依啲嘢，開頭都唔多敢食，不過食左一啖之後，好快就食晒成條啦~

食完飯就去行街街，就係咁小小豬又有收獲啦~

大肥豬話每日都同小小豬講書入面故事，等佢明白多啲大道理哦！其實我地之前都有講故事，不過多數都係去圖書館借中文書，或者係買英文圖書，大肥豬終於肯買中文書啦...哈哈哈！

**我的微博..關注吧**