拆利是

3 MARCH 2013(SUN)

往年習慣都係正月十五嗰日就會係我地拆利是嘅好日子，不過依幾日都忙忙地，所以都未有時間去拆利是。終於等到今日有時間教小小豬玩拆利時遊戲啦！

小小豬已經係第三年逗利是，上兩年都係我地幫佢拆，今年就開始俾佢自己拆吓啦！

唔知係唔係我地訓練有數，小小豬一見到啲利是就不講『恭喜發財』同『身體健康』，比逗利是時仲清楚同大聲左，真係唔知俾佢笑C定激C呀~

可能紙幣對小小豬嚟講完全唔識，所以佢都只係識拆完之後將入面嘅紙幣俾我地，自己就係度玩個利是封....哈哈哈！

為左唔想佢將啲利是封整皺(因為佢拆時真係好暴力)，所以我地都只係俾佢拆幾封，之後嗰啲就我地幫佢拆。因為想將啲利是封放入商場回收箱度，循環再用環保嘛！

雖然今年唔係逗得好多(三口子加埋都只係五十封左右)，不過好多都內涵十足，所以小小豬嘅教學基金又進漲不少啦！





**我的微博..關注吧**