唔知係唔係今日返學玩得實在太開心，由放學開始小小豬都已經情緒非常高漲，全程車上都不停唱歌拍手，開心程度簡直係達到頂點呀！
返到屋企換左校服以為會好啲，點知就趁我準備午餐時，依個爛玩嘅小小豬就要LULU妹陪佢玩拋波波，玩到都不知幾興奮，好耐都冇見佢笑得咁開心，仲哈哈咁大笑出聲添呀~
唔知仲乜笑到好似失控咁，拎起件衫添，真係俾佢激C呀~
都係嗰句啦...依個百厭小小豬係佢唔扭計發脾氣激嬲我嘅時間，都真係好可愛，好難唔講句：愛C佢呀！
佢仲係我地一家嘅開心果嚟，大家一見到佢開心咁傻笑，自自然然都會跟住佢笑埋一份，所以話呢....小小豬你要乖乖地，唔好成日扭計，要帶多啲歡樂俾我地呀！
**我的微博..關注吧**
沒有留言:
發佈留言