日和號下午茶

2 MARCH 2013(SAT)

今日原本打算入迪迪尼玩，不過天氣真係好差，所以取消左個念頭。之後大肥豬就帶左我地出MEGA BOX行吓街。行到餓餓地，所以又係時間去搵食啦！

入得MEGA BOX，當然諗到去日和號，因為自上次主題小忌廉之後，都想睇吓有邊個新主題嘛！

點知...原來三月份個主題係一個日本名星(講真...我完全唔識佢，唔係個STAFF講，我都唔會知道佢就係主角呀)。原本都打算走，不過大肥豬話既然嚟到，見啲下午茶餐都幾吸引，所以就入去食啦！

今期主角~

佈置都係同上次小忌廉差唔多，只係將巴士改一改，同打左啲彩色波波~

好啦...開餐啦~

啲嘢食又尚算OK，不過唔知係唔係冇左卡通主角，少俾左啲版權費，我覺得啲食物好似平左，我地兩個餐都係七十蚊左右，仲要份量都唔算少(除左我個魚生飯，我覺得魚生係少左啲啲...哈哈哈)。

原本以為每個月都可以嚟一次，影吓唔同嘅新主題，不過我想都好難再有啲好似小忌廉咁HIT嘅主題啦！始終要買一個版權費都要俾好貴嘅費用，當大肥豬問個STAFF下個主題係乜時，個STAFF都知吾以對，所以都唔知下一次再嚟邊食邊影時係幾時啦！

**我的微博..關注吧**