新玩具

2 MARCH 2013(SAT)

今日係MEGA BOX除左食左一個下午茶之外，小小豬仲有一個大收獲，就係買左一部單車俾佢啦~

哈哈哈...其實如果有睇開小小豬成長嘅朋友仔，都知道小小豬已經有一部比較大少少嘅叮噹單車。不過嗰部單車對小小豬嚟講又真係大左少少，佢隻腳仔又踏唔到，平日只係我地推佢去玩。隨著小小豬開始大個仔，佢已經不甘於我地推佢，要自己踏自己行。加上部大車仔開始壞壞地，推嘅時間左右呔開始唔多聽話，所以就決定買部啱小小豬嘅單車仔，等佢可以自己啦！

由於今日天氣都唔好，地下濕濕咁唔多適合去公園玩，所以就係屋企試吓車先啦~

可以自己揸住單車周圍行，睇吓小小豬幾開心~

不過依個傻豬仔都未太掌握到踩個技巧，所以等我地係屋企訓練吓先，到天氣好時就可以落公園開心咁玩啦！

**我的微博..關注吧**