玩印仔做個小訓練

2 APRIL 2014(WED)

小小豬玩緊乜呢？好似好專心又開心咁哦~

哈哈哈...知唔係小小豬又有新嘢玩啦！

今日係7-11買到一盒MICKEY嘅英文字母印仔連印台啦~

小小豬一向都係MICKEY FANS，今次仲有埋佢最鐘意嘅英文字母，佢又點會唔興奮呀~

未開個小玩意就已經急不及待究竟點玩啦~

依一盒印仔除左有三十個印仔之外(有26個大楷英文字母同埋4個讚賞語)，仲有兩盒4色印台~

打開才知道原來啲印仔模樣係需要自已貼上，不過都算係好方使，只需要除下個貼紙貼上去就得，我地都好快手就貼好晒啦~

貼好晒就當然係開始玩，小小豬都玩得好投入呀~

成功印到完整嘅一個字母公仔仲好興奮添~

其實之前我地都有俾小小豬玩過同類嘅印仔玩意，不過就只限係幾個公仔同顏色選擇，因為玩多啲蓋印仔遊戲可以訓練手指肌肉發展同埋控制力度，依兩方面對日後寫字都有好幫助！

原本我係打算買埋格仔紙先一次過俾小小豬玩，因為將啲印仔卹係格仔紙上面，可以訓練埋手眼協調，亦都可以增強空間感。

不過因為我擺左係啲當然位置，俾眼利嘅小小豬發現左，所以今日佢就有得玩。唔緊要啦.....玩多啲就可以練習多啲，從遊戲中學習嘛！