Play House@North Point

5 FEBRUARY 2014(WED)

早係大半個月之前，係Yes-Parents.com嘅Facebook參加左佢地其中一期嘅【Happy Weekend送嘅!】活動，就係咁我地好好彩地抽中左一張Play House@North Point嘅Coupon嘅入場卷。

見今日我地返小豬媽屋企食飯，所以就先落北角一轉，放一放電先啦~

雖然Coupon都只係包一大一小，不過有得玩又點會唔預小豬媽，所以我就加多左一個大人收費($40)，咁就可以一齊入去玩啦！

雖然比起Mega Box嗰個Play House依個係細啲啲，不過我又鐘意依個多啲，可能係因為地方細細，咁我就可以好放心咁企係旁邊，輕鬆咁睇住小小豬自己一個係迷宮入面玩呀~

迷宮內嘅波波池相對範圍又比例大同多波波，個傻豬仔係入面都玩得不知幾開心呀~

玩左大半個鏗激烈嘅迷宮之後，小小豬就要休息一陣，之後我玩啲比例輕少少嘅玩意，玩吓車仔啦~

嘩...過山車呀~

做吓運動先~

入去BB天地玩吓先~

仲可以玩跳彈床添，不過依間就只係得一張彈床，沒有分年齡的，所以都等大少少嘅小朋友玩完小小豬先敢入去跳呀~

依間Play House係以飛機做主題，所以都有部小飛機係度，等小朋友可以入去玩呀~

旁邊都有啲飛機座位等大小朋友係度休息呀~

玩左一轉之後，小小豬都已經濕晒，內外衣都換過晒之後，又再去玩過。先嚟玩吓拋氣球依啲輕鬆遊戲~

之後就捉小豬媽陪佢去玩啦~

睇佢地兩婆孫玩得幾開心~

見佢地玩得咁開心，我當然唔執輸，同小小豬係波波池入面又嚟溫馨一番啦~

我同小豬媽都已經攰到唔郁得，不過隻豬仔就越嚟越精神，最後都係放佢自己係迷宮入面玩吓啦~

最後去埋飛機度座一陣，我地就走啦~

唔覺唔覺我地都係入面玩左兩個幾鐘，依個精力旺盛嘅小小豬都唔想走呀！

雖然依個場係細啲，不過我亦都幾鐘意依個場，因為我地家長可以唔洗入埋個迷宮入面半彎身咁追住小朋友，企係出面都好易睇到小朋友係入面做緊乜，咁我地家長就唔洗太辛苦啦！

同埋覺得個場好乾淨，除左係因為新開關係，係我地玩嘅時候，我見到定時都會有清潔姐姐係迷宮內做清潔，我見佢又用濕布又同乾布好認真咁抺地方，真係要俾個Good佢呀！

一個兒童遊樂設置真係要好清潔，我地家長先放心帶小朋友去玩嘛，所以希望佢地可以Keep住依個好習慣啦！