2 FEBRUARY 2014(SUN)
跟住依一站都仍然都係係附近活動,因為小豬媽好想入流浮山嗰個市集買金蠔。不過亦都因為咁,小小豬有機會可以玩吓新買嗰支泡泡槍,睇佢玩得幾開心~
入得嚟流浮山市集,當然要食佢地出名酥炸生蠔啦!
雖然味道好似冇往年咁好食,不過勝在我地嗰幾串係睇住佢炸,感覺好似新鮮啲嘛~
我地邊食炸生蠔就邊向海邊行,沿途都見到好多唔同種類嘅生蠔呀~
行到去海邊,小豬媽佢地就睇吓邊間金蠔比較靚,我地都唔識揀,所以都唔俾小小豬攪攪陣,等佢係海邊附近玩吓泡泡啦~
唔知係唔係有啲太陽光射住啲泡泡,加上依支泡泡槍又特別大粒,所以成個場景都好靚呀~
我地玩左一陣,小豬媽就已經揀好左店舖,買緊啲又肥又大嘅金蠔啦~
小豬媽買完金蠔之後,我地依一站就完結,準備去最後一個目的地,JOIN埋細路佢地去食我地嘅豐富晚餐啦!
沒有留言:
發佈留言