兩日一夜澳門之旅 - Part 4

12 FEBRUARY 2014(WED)

終於嚟到澳門之旅我個人覺得最重要活動，就係去金沙城個夢工場體驗，去同史力加玩啦~

金沙城中心係就係幾靚，不過全部商店都係名店，所以都真係唔係我依啲普通人行。不過唔緊要，我地唔嚟SHOPPING，入嚟影吓啲佈置都幾好呀~

原本依個夢工場體驗場地都唔係太大，不過佈置真係好靚，我地當然又係度不停影啦~

不過原來我地係早左到，啲公仔朋友仔仲未到，所以我地就先轉戰旁邊嘅一部自拍機，我地玩左好多張，好好玩呀~

啲相影完之後係可以經E-MAIL轉送返俾你呀~

等左一陣，終於有公仔朋友出嚟，當然係即刻去同佢地玩啦！好在我地嗰個時候都唔係太多人，所以我地都可以影左好耐，小小豬仲同史力加玩到唔肯走呀~

原本以為有好多公仔朋友同我地影相，不過一問原來今日全日都係史力加佢地，同唔到其他朋友仔影真係有少少失望添！

影完相之後，我地就轉去威尼斯行街街~

依排小小豬都勁愛船，當佢見到威尼斯嗰啲小船時，佢地話想去搭。原本我地都打算俾小小豬同小豬媽搭吓船仔玩吓，點知勁多人排隊，所以最後都放棄左依個決定，俾小小豬企定定睇一陣船仔就走啦！

我地行都到唔知時候，原來大家都已經好肚餓，最後就簡簡單單係FOOD-COURT食少少嘢，休息一陣啦~

休息過後，我地又準備向下一個目的地出發啦！

《續待》