試食：位元堂 - 鮑汁花菇燴海參

5 FEBRUARY 2014(WED)

早前係Facebook見到有個新開嘅專頁- try it，係最新的吃喝玩樂網上體驗平台，為會員提供免費率先試玩試食最hit產品的機會。

見有著數我當然都登記成為會員啦，終於係我今次第三次登記，抽中左可以有入試食啦！

我今次負責試食嘅就係....位元堂 - 鮑汁花菇燴海參~

位元堂鮑汁花菇燴海參選料上乘，精選原隻海參，香滑美味。花菇營養豐富的蛋白質，海參可補腎益精。本品不含脂肪，不加人造色素及防腐劑。其獨立包裝設計方便食用，老幼皆宜~

食物就放晒入去錫紙包裝袋~

食法都非常方便簡單，可以利用明火或者微波爐加熱就食得啦~

不過，我一向都唔鐘意用微波爐，所以我就選擇用明火加熱啦！

將整包放入熱水中煮大約四至五分鐘~

之後剪開錫紙袋，整包倒在已準備好嘅生菜上~

咁就可以食得啦~

坦白講，我之前都曾經食過類似嘅即食產品，所以我都唔抱太大嘅期望。食完之後，我地一家對依餸菜都有發覺有讚有彈。

先講讚方面先，我地都覺得個海參唔錯，因為一般係酒樓食到嘅海參食嘅時候都會有啲"益"味，唔多唔少都會影響食慾。但我地今次食嘅海參就冇依啲味，而且都算有彈性，所以都算可以接受。

不過個汁就真係唔合格，完全食唔出有鮑汁味(又或者係我唔識食啦)，加上錫紙包裝袋內又實在真係太多汁了，令到成個餸好似水稀稀咁，好淡口呀！

 

 

More information :
Facebook專頁：https://www.facebook.com/tryithk